paradesai: परदेसाई

Product rating

Customer Reviews

• Author: Swati Ambole
  परदेशवारी ही आता फारशी अपूर्वाईची गोष्ट राहिली नाही' असं आपण म्हणतो तेव्हा आपल्याला सहसा काही ठराविकच देश अभिप्रेत असतात. परंतु श्री. विनय देसाई कामाच्या निमित्ताने ज्या देशांना भेटी देऊन आले आहेत, त्यातली बरीच नावंदेखील आपण ऐकलेली नसतात. व्हिसा, तिकीट, विमानप्रवास, परदेशातील रहाण्याजेवण्याची सोय, work culture इत्यादिंचे अनुभव बहुधा सर्वांचेच नवलाईचे, बरेचदा कटकटीचेही असतात. पण त्यातून जात असताना आपल्यातला सह्रदय आणि मिश्किल निरीक्षक जागता ठेवणं आणि तेही अनुभव रंजक पद्धतीने सांगणं एखाद्यालाच जमतं. श्री. विनय यांना ही कला सहज अवगत असल्याचं त्यांच्या लेखनातून जाणवतं. तशीच जाणवत रहातात मराठी मातीत पूर्णपणे रुजलेली त्यांची मुळं. नवीन अनुभवांबद्दल लिहीत असताना त्या अनुषंगाने ते देत असलेले आपल्या संस्कृतीतले, इतिहासातले आणि साहित्यातले दाखले त्याची साक्ष देतात.
  
  पुलंनी 'अपूर्वाई'च्या प्रस्तावनेत म्हटलं होतं, 'हे खरंतर प्रवासवर्णन नसून प्रवासात असलेल्या माझंच वर्णन अधिक आहे.' त्याची आठवण 'परदेसाई' वाचताना सतत होत राहते. माहितीपर असूनही अतिशय मनोरंजक अशी ही प्रवासवर्णनं आवर्जून वाचावी अशीच आहेत.